ԵՐԵՎԱՆ, 12 ՄԱՐՏԻ, ՆՈՅՅԱՆ ՏԱՊԱՆ: Մարտի 14-ին Ֆրանսիայի Նիս քաղաքում կմեկնարկի «Ամբեր» անվանումով շախմատի միջազգային 17-րդ մրցաշարը: Մասնակիցները նախ կխաղան արագ, ապա` «կույր» շախմատ: Մրցաշարում հանդես կգան Վլադիմիր Կրամնիկը (Ռուսաստան), Վիշվանաթան Անանդը (Հնդկաստան), Վեսելին Թոփալովը (Բուլղարիա), Ալեքսանդր Մորոզեւիչը (Ռուսաստան), Շահրիյար Մամեդյարովը (Ադրբեջան), Պետեր Լեկոն (Հունգարիա), Վասիլի Իվանչուկը (Ուկրաինա), Լեւոն Արոնյանը (Հայաստան), Բորիս Գելֆանդը (Իսրայել), Մագնուս Կառլսենը (Նորվեգիա), Սերգեյ Կարյակինը (Ուկրաինա) եւ Լուկ վան Վելին (Հոլանդիա):

---