ՎԵՆԵՍՈՒԵԼԱՆ ԿԶԱՐԳԱՑՆԻ ՌԱԶՄԱԿԱՆ ՀԱՄԱԳՈՐԾԱԿՑՈՒԹՅՈՒՆԸ
ՌՈՒՍԱՍՏԱՆԻ ՀԵՏ
23-07-2008 17:56:00 | Ռուսաստան | Միջազգային
ՄՈՍԿՎԱ, 23 ՀՈՒԼԻՍԻ, ՆՈՅՅԱՆ ՏԱՊԱՆ: Վենեսուելայի նախագահ Ուգո
Չավեսը վերահաստատել է ՌԴ-ի հետ ռազմական համագործակցությունը
զարգացնելու իր երկրի ծրագրերը` միեւնույն ժամանակ հերքելով այն
տեղեկությունները, թե Վենեսուելան Ռուսաստանից առաջիկա տարիներին
գնելու է 30 միլիարդ դոլարի սպառազինություն:
Չավեսի` Մոսկվա կատարած այցի ընթացքում Ռուսաստանն ու
Վենեսուելան ստորագրել են մի շարք համաձայնագրեր տարբեր
բնագավառներում համագործակցության վերաբերյալ: Ուգո Չավեսը
միաժամանակ նշել է, որ Վենեսուելան մտադիր է այսուհետ եւս
ակտիվորեն մեծացնել Ռուսաստանի հետ ռազմատեխնիկական
համագործակցության ծավալները: