ՄԻՆՍԿ, 21 ՀՈՒԼԻՍԻ, ՆՈՅՅԱՆ ՏԱՊԱՆ: Բելոռուսիայի միավորված քաղաքացիական կուսակցության նախագահ Անատոլի Լեբեդկոն չի բացառում, որ բելոռուսական ընդդիմությունը կարող է հրաժարվել Բելոռուսիայի Ազգային ժողովի Ներկայացուցիչների պալատի պատգամավորների ընտրություններին մասնակցելուց, որ կայանալու են 2008 թվականի սեպտեմբերի 28-ին: Այս մասին հաղորդում է «Ինտերֆաքսը»: Ինչպես հայտարարել է Լեբեդկոն, ընդդիմությունը «իրեն իրավունք է վերապահում հանել իր բոլոր թեկնածուներին քվեարկության հիմնական օրվանից մի քանի օր առաջ»: «Եթե մենք հասկանանք, որ դարձյալ 110 պատգամավորներին մեզ մոտ չեն ընտրելու, այլ նշանակելու են, մենք այդպիսի իրավունք մեզ կվերապահենք»,- նշել է նա: Կանխավ բելոռուս քաղաքական գործիչները եւ գործող խորհրդարանականները նշում էին, որ Բելոռուսիայի 2008 թվականի խորհրդարանական ընտրությունների առանձնահատկությունը ընդդիմության լայն մասնակցությունն է ընտրարշավի արդեն նախնական փուլերում:

---