ԲՐՅՈՒՍԵԼ, 18 ՀՈՒԼԻՍԻ, ՆՈՅՅԱՆ ՏԱՊԱՆ: Կոռուպցիայի եւ
կազմակերպված հանցավորության դեմ պայքարում անբավարար ջանքերի
համար իբրեւ պատիժ Եվրոպական հանձնաժողովը մտադիր է սառեցնել 610
միլիոն եվրոն (գրեթե 1 միլիարդ դոլար), որ նախատեսված է
Բուլղարիային օգնություն ցուցաբերելու համար: Դրանից բացի,
սպառնալիքի տակ են հայտնվել Շենգենյան գոտուն միանալու Բուլղարիայի
հնարավորությունները, հաղորդում է «Ֆինմարկետը»:
Կանխավ Եվրամիությունը սառեցրել է հարյուր միլիոնավոր
եվրոներ, որ նախատեսվում էր ճանապարհների շինարարության եւ
գյուղատնտեսության համար: Այժմ դրանց կարող է ավելանալ եւս 610
մլն. եվրո:
Հաջորդ շաբաթ կհրապարակվի Եվրահանձնաժողովի զեկույցը, որտեղ,
մասնավորապես, ասվում է, որ երկրի իշխանությունները պետք է
պարտավորություն ստանձնեն մաքրելու Բուլղարիայի վարչական
մարմինները հանցավոր տարրերից եւ այնպես անեն, որպեսզի «շռայլ
օգնությունը, որ նա ստանում է ԵՄ-ից, հասնի իր քաղաքացիներին, այլ
ոչ թե հափշտակվի կոռումպացված պաշտոնյաների կողմից, որոնք գործում
են հանցավոր խմբերի հետ համատեղ»: