ՃԱՊՈՆԻԱՅՈՒՄ ՍԿՍՎԵԼ Է «ՄԵԾ ՈՒԹՆՅԱԿԻ» ԳԱԳԱԹՆԱԺՈՂՈՎԻ ԱՌԱՋԻՆ
ՕՐԸ
07-07-2008 15:30:00 | Ճապոնիա | Միջազգային
ՏՈՅԱԿՈ, 7 ՀՈՒԼԻՍԻ, ՆՈՅՅԱՆ ՏԱՊԱՆ: Աֆրիկայի մի շարք երկրների
առաջնորդների հետ աշխատանքային նախաճաշով սկսվել է «ութնյակի»
գագաթնաժողովի առաջին օրը, որն անցկացվում է ճապոնական Տոյակո
քաղաքում: Այն ամբողջովին նվիրված է տնտեսական եւ սոցիալական
առումներով ետ մնացող այդ աշխարհամասի բազմաթիվ խնդիրների լուծման
ուղիներին: «Ութնյակը», մասնավորապես, մտադիր է վերահաստատել
մինչեւ 2010 թվականը մոլորակում աղքատությունը վերացնելու գլոբալ
ջանքերի շրջանակում օգնությունը Աֆրիկային կրկնապատկելու իր
խոստումը:
Ինչպես հաղորդում է ԻՏԱՌ-ՏԱՍՍ-ը, քննարկմանը մասնակցելու
համար հրավիրված են Ալժիրի, Գանայի, Նիգերիայի, Սենեգալի,
Տանզանիայի, Եթովպիայի եւ ՀԱՀ-ի նախագահները: Հանդիպմանը
մասնակցում են Աֆրիկյան միության ղեկավարությունը, Համաշխարհային
բանկի նախագահ Ռոբերտ Զելիկը, ՄԱԿ-ի գլխավոր քարտուղար Պան Գի
Մունը: