ԲԵՅՐՈՒԹ, 26 ՓԵՏՐՎԱՐԻ, ՆՈՅՅԱՆ ՏԱՊԱՆ: Լիբանանի նախագահական ընտրությունները դարձյալ հետաձգվել են, այս անգամ մինչեւ մարտի 11-ը: Լիբանանի խորհրդարանի խոսնակը երկուշաբթի հայտարարել է, որ Լիբանանի խորհրդարանի նիստը, որի ընթացքում պետք է ընտրվի պետության ղեկավարը, փետրվարի 26-ից հետաձգվում է մարտի 11-ին: Սա արդեն 15-րդ անգամ է, սկսած 2007 թվականի սեպտեմբերի 25-ից, որ խոր քաղաքական ճգնաժամով համակված երկրում հետաձգվում է ընտրությունների օրը: Պետության ղեկավարի աթոռը Լիբանանում թափուր է մնում անցած տարվա նոյեմբերի 24-ից:

---