ԵՐԵՎԱՆ, 23 ՀՈՒՆՎԱՐԻ, ՆՈՅՅԱՆ ՏԱՊԱՆ: Մեծամորի ատոմակայանի ներկա կարգավիճակին եւ վերջինիս փոխարինման նպատակով նոր ատոմակայանի կառուցման Հայաստանի ծրագրերին ծանոթանալու նպատակով հունվարի 21-22-ին Հայաստանում էր գտնվում ԱՄՆ Միջուկային վերահսկման հանձնաժողովի հանձնակատար դոկտոր Փիթեր Բ. Լայոնզը: Ինչպես «ՆՈՅՅԱՆ ՏԱՊԱՆ»-ին հաղորդեցին ՀՀ-ում ԱՄՆ-ի դեսպանատնից, դոկտոր Լայոնզը Հայաստանի պաշտոնյաների հետ դիտարկել է այն ուղիները, որոնցով ԱՄՆ Միջուկային վերահսկման հանձնաժողովը կարող է օգնել Հայաստանին ստեղծելու այն կարգավորող ենթակառուցվածքը, որն անհրաժեշտ է նոր ատոմակայանի լիցենզավորման համար: Այցելության ընթացքում պարոն Լայոնզը հանդիպել է ՀՀ էներգետիկայի, արտաքի գործերի, բնապահպանության նախարարությունների եւ Հայպետատոմհսկողության պաշտոնյաներին: Նա նաեւ այցելություն է կատարել Մեծամորի ատոմակայան:

---