ԵՐԵՎԱՆ, 8 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հանրապետության կայուն
տնտեսական զարգացումը խթանելու եւ մրցունակությունը բարձրացնելու
նպատակով, ՀՀ կառավարությունը նոյեմբերի 8-ին նիստում որոշում է
ընդունել ազգային մրցունակության խորհուրդ ստեղծելու մասին: Այս
մասին «ՆՈՅՅԱՆ ՏԱՊԱՆ»-ին հայտնեցին ՀՀ կառավարության
Տեղեկատվության եւ հասարակայնության հետ կապերի վարչությունից:
Հաստատվել է խորհրդի հիմնական եւ ռոտացիոն կարգով ընդգրկվող
անդամների կազմը` ՀՀ վարչապետի նախագահությամբ, ինչպես նաեւ
խորհրդի կանոնադրությունը: Սահմանվել է, որ ազգային մրցունակության
խորհրդի կազմում ռոտացիոն կարգով ընդգրկվող անդամների անհատական
կազմը հաստատվում եւ փոփոխվում է խորհրդի կողմից սահմանված
ընթացակարգին համապատասխան` ՀՀ վարչապետի որոշմամբ` վեց ամիսը մեկ
անգամ: Սահմանվել է նաեւ, որ ազգային մրցունակության խորհուրդն
աշխատանքները կազմակերպում է իր կողմից սահմանված ընթացակարգին
համապատասխան: