ԵՐԵՎԱՆ, 8 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հանրապետութեան կայուն
տնտեսական զարգացումը խթանելու եւ մրցունակությունը բարձրացնելու
նպատակով, ՀՀ կառավարութիւնը նոյեմբերի 8-ին նիստում որոշում է
ընդունել ազգային մրցունակութեան խորհուրդ ստեղծելու մասին: Այս
մասին «ՆՈՅԵԱՆ ՏԱՊԱՆ»-ին յայտնեցին ՀՀ կառավարութեան
Տեղեկատուութեան եւ հասարակայնութեան հետ կապերի վարչութիւնից:
Հաստատուել է խորհրդի հիմնական եւ ռոտացիոն կարգով ընդգրկվող
անդամների կազմը` ՀՀ վարչապետի նախագահութեամբ, ինչպէս նաեւ
խորհրդի կանոնադրութիւնը: Սահմանուել է, որ ազգային մրցունակութեան
խորհրդի կազմում ռոտացիոն կարգով ընդգրկվող անդամների անհատական
կազմը հաստատւում եւ փոփոխվում է խորհրդի կողմից սահմանուած
ընթացակարգին համապատասխան` ՀՀ վարչապետի որոշմամբ` վեց ամիսը մէկ
անգամ: Սահմանուել է նաեւ, որ ազգային մրցունակութեան խորհուրդն
աշխատանքները կազմակերպում է իր կողմից սահմանուած ընթացակարգին
համապատասխան: