ԲԵՆ ԼԱԴԵՆԸ ԻՐԱՔՑԻ ԳՐՈՀԱՅԻՆՆԵՐԻՆ ՄԻԱՎՈՐՎԵԼՈՒ ԿՈՉ Է ԱՆՈՒՄ
23-10-2007 18:16:00 | Կատար | Միջազգային
ԴՈՀԱ, 23 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Արաբական «Ալ-Ջազիրա»
հեռուստաալիքը հրապարակել է «թիվ մեկ ահաբեկիչ» Ուսամա բեն Լադենի
նոր ուղերձի ձայնագրությունը, որտեղ «Ալ-Ղաիդայի» պարագլուխը
իրաքցի գրոհայիններին միավորվելու կոչ է արել:
Այս անգամ բեն Լադենը տարբեր խմբավորումների անդամներին
հորդորել է մոռանալ իրենց տարաձայնությունները եւ միավորվել ողջ
մուսուլմանական աշխարհի շահերի համար պայքարում: Դրանից բացի, բեն
Լադենը խորհուրդ է տվել «Ալ-Ղաիդայի» անդամներին կուրորեն չհետեւել
ինչ-որ առաջնորդների եւ խմբավորումների: