20 ՏԱՐԵԿԱՆ ՇԱԽՄԱՏԻՍՏՆԵՐԻ ԱՇԽԱՐՀԻ ԱՌԱՋՆՈՒԹՅՈՒՆՈՒՄ 7-ՐԴ
ՓՈՒԼԻՑ ՀԵՏՈ ԱՌԱՋԱՏԱՐՆԵՐՆ ԵՆ ԵԳԻՊՏՈՍԻ ԵՎ ՌՈՒՍԱՏԱՆԻ
ՆԵՐԿԱՅԱՑՈՒՑԻՉՆԵՐԸ
10-10-2007 17:00:00 | Հայաստան | Սպորտ
ԵՐԵՎԱՆ, 10 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Երեւանում անցկացվող 20
տարեկան շախմատիստների աշխարհի առաջնությունում հոկտեմբերի 9-ին
կայացան 7-րդ փուլի հանդիպումները:
Տղաների պայքարում 7 հնարավորից 6 միավորով մրցաշարային
աղյուսակը գլխավորում է Ադլի Ահմեդը (Եգիպտոս): Հայաստանի
շախմատիստներից Ավետիք Գրիգորյանն ունի 5 միավոր եւ 5 մասնակիցների
հետ բաժանում է 7-11-րդ տեղերը, իսկ Արման Փաշիկյանը 4,5 միավորով`
12-21-րդ տեղերը:
Աղջիկների մրցումներում 6,5 միավորով առաջատարը Վերա
Նեբոլշինան է (Ռուսաստան): Տաթեւ Հայրապետյանը (Ռուսաստան) 5
միավորով բաժանում է 4-10-րդ, իսկ Աննա Հայրապետյանը (Հայաստան) եւ
Տաթեւ Աբրահամյանը (ԱՄՆ) 4,5 միավորով` 11-14-րդ տեղերը:
Հոկտեմբերի 10-ին առաջնությունում հանգստի օր է հայտարարված: