ԵՐԵՎԱՆՈՒՄ ԱՇԽԱՏԱՆՔԸ ՍԿՍԵՑ ԲԺՇԿՈՒԹՅԱՆ ՈԼՈՐՏՈՒՄ ԿԻՐԱՌՎՈՂ
ՊՈԼԻՄԵՐԱՅԻՆ ՆՈՐ ՆՅՈՒԹԵՐԻ ՍՏԵՂԾՄԱՆ ՀԱՐՑԵՐԻՆ ՆՎԻՐՎԱԾ ՄԻՋԱԶԳԱՅԻՆ
ԳԻՏԱԺՈՂՈՎ
09-10-2007 15:55:00 | Հայաստան | Հասարակություն
ԵՐԵՎԱՆ, 9 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Կենսատեխնալոգիայի եւ
բժշկության ոլորտում կիրառվող պոլիմերային նոր նյութերի եւ դրանց
ստեղծման ուղղությամբ տարվող ուսումնասիրությունների արդյունքների
ներկայացմանն է նվիրված հոկտեմբերի 9-10-ին Երեւանում անցկացվող
միջազգային գիտաժողովը: Գիտաժողովին մասնակցում են մոտ 10 երկրների
ավելի քան 50 գիտնականներ:
Ինչպես նշեց Երեւանի Ճարտարագիտական համալսարանի քիմիայի
ֆակուլտետի պրոֆեսոր Սերժ Սարգսյանը, ժամանակակից բժշկության
զարգացումը դժվար է պատկերացնել առանց պոլիմերային նյութերի
օգտագործման, որոնք լայն կիրառում ունեն, մասնավորապես,
վիրաբուժության, օրթոպեդիայի, ստամատոլոգիայի ոլորտներում: Նա նշեց
նաեւ, որ պոլիմերային նյութերը շատ են օգտագործվում հատկապես
այրվածքների բուժման ժամանակ: Ըստ նրա, տարբեր երկրներում
արտադրվում են պոլիմերային հիմքով ներակնային, կոնտակտային
լինզաներ, հոդերի էնդոպրոթեզներ, էլեկտրական խթանիչներ, ատամների
իմպալնտատներ:
Ս.Սարգսյանի խոսքերով, Հայաստանում նույնպես վերջին տարիներին
աշխատանքներ են տարվում նոր բժշկական, բժշկա-կենսաբանական
նշանակության տեխնալոգիաների եւ նյութերի ստեղծման ուղղությամբ: