ԸՍՏ ԻԿԱՕ-Ի ՈՒՍՈՒՄՆԱՍԻՐՈՒԹՅՈՒՆՆԵՐԻ, ՀԱՅԱՍՏԱՆԸ ԹՌԻՉՔԱՅԻՆ
ԱՆՎՏԱՆԳՈՒԹՅԱՆ ԱՌՈՒՄՈՎ ԿԱՐՈՂ Է ԴԱՍՎԵԼ ԶԱՐԳԱՑԱԾ ԵՐԿՐՆԵՐԻ ՇԱՐՔԻՆ
01-10-2007 20:00:00 | Հայաստան | Տնտեսություն
ԵՐԵՎԱՆ, 1 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Քաղավիացիայի միջազգային
կազմակերպության` ԻԿԱՕ-ի, կողմից «Զվարթնոց» օդանավակայանում
կատարած ստուգումների արդյունքում պարզվել է, որ թռիչքային
անվտանության առումով Հայաստանը կարող է դասվել զարգացած երկրների
շարքը: Ինչպես «ՆՈՅՅԱՆ ՏԱՊԱՆ»-ի թղթակցին հայտնեց ՀՀ Քաղավիացիայի
գլխավոր վարչության պետի մամլո քարտուղար Գայանե Դավթյանը, ԻԿԱՕ-ի
մասնագետների կողմից հունիսին կատարած ստուգումների արդյունքները
ներկայացվել են կազմակերպության վերջերս Մոնրեալում (Կանադա)
կայացած 36-րդ համաժողովին եւ գնահատվել գերազանց: Ըստ ԻԿԱՕ-ի
ուսումնասիրությունների, մի շարք երկներում արձանագրվել են
թռիչքային անվտանգության ստանդարտների 40%-ից ավելի թերացումներ,
մինչդեռ Հայաստանի դեպքում դրանք կազմել են ընդամենը 3,6%:
Ի դեպ, սեպտեմբերի 30-ին նշվում է Հայաստանի Քաղավիացիայի
օրը: Այդ առիթով ոլորտի աշխատակիցներին շնորհավորել է ՀՀ վարչապետ
Սերժ Սարգսյանը եւ նրանցի մի խմբի հանձնել շնորհակալագրեր: