ՊԱՂԵՍՏԻՆՑԻ ԳՐՈՀԱՅԻՆՆԵՐԸ ՀՐԹԻՌԱԿՈԾԵԼ ԵՆ ԻՍՐԱՅԵԼԱԿԱՆ
ՌԱԶՄԱԲԱԶԱՆ. ԿԱՆ ՏԱՍՆՅԱԿ ՎԻՐԱՎՈՐՆԵՐ
11-09-2007 14:40:00 | Իսրայել | Միջազգային
ԱՇԿԵԼՈՆ, 11 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Պաղեստինցի
գրոհայինները Գազայի հատվածից սեպտեմբերի 11-ին հրթիռակոծել են
Իսրայելի տարածքում գտնվող ռազմավարժական բազան, ինչի հետեւանքով
մարմնական տարբեր աստիճանի վնասվածքներ են ստացել 6 տասնյակից
ավելի իսրայելցի զինվորներ: Այս մասին հաղորդում են տեղական
լրատվամիջոցները:
Ըստ տեղեկությունների, Իսրայելի հարավում` Աշկելոն քաղաքից ոչ
հեռու գտնվող ռազմաբազայի վրա նետվել են «Քասամ» տիպի 2 հրթիռներ:
Հրթիռակոծության պատասխանատվությունը ստանձնել է պաղեստինյան
«Ազգային դիմադրության կոմիտե» խմբավորման ռազմական թեւը` «Սալահ
ադ Դինի բրիգադ»-ը: