ԱՐԹՈ ԹՈՒՆՉԲՈՅԱՋՅԱՆ. «ԱՅՆ, ԻՆՉ ՉԵՄ ԿԱՐՈՂԱՆՈՒՄ ԱՍԵԼ ԲԱՆԱՎՈՐ,
ՓՈԽԱՆՑՈՒՄ ԵՄ ԳՐԱՎՈՐ»
07-09-2007 17:20:00 | Հայաստան | Մշակույթ
ԵՐԵՎԱՆ, 7 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Լույս է տեսել «Armenian
Navy Banb» երգչախմբի հիմնադիր Արթո Թունչբոյաջյանի «200 խոսք, 200
միլիոն իմաստ (Դրսից ներսդ նայիր)» առաջին գրքույկը: Ինչպես
սեպտեմբերի 7-ի շնորհանդեսի ժամանակ նշեց հեղինակը, գրքույկի
հրատարակման նպատակն է ընթերցողին ներկայցնել իր մտորումներն ու
խոհերը մարդու եւ մարդկության, բնության, կյանքի, սիրո մասին:
«Այն, ինչ չեմ կարողանում ասել բանավոր, փոխանցում եմ գրավոր»,-
ասաց Ա.Թունչբոյաջյանը: Նա հայտնեց, որ շուտով կհրատարակվեն
գրքույկի ռուսերեն եւ անգլերեն թարգմանությունները:
Ա.Թունչբոյաջյանը հայտնեց նաեւ, որ վերջերս է վերադաձել
Ստամբուլից, որտեղ հայ եւ թուրք երաժիշտներից կազմավորված «Յաշ-Ար»
երգչախումբը մասնակցել է «Ռոք խաղաղության համար» ամենամյա
փառատոնին: Փառատոնի ընթացքում խումբը հանդես է եկել մեկժամյա
համերգով` ներկայացնելով Հրանտ Դինքի հիշատակին նվիրված
ձայանասկավառակի գործերը:
Ա.Թունչբոյաջյանը նշեց նաեւ, որ «Armenian Navy Banb»-ը
2008թ.-ին համերգներով հանդես կգա Թուրքիայում: Արդեն ավարտվել են
խմբի երկրորդ տեսահոլովակի պատրաստման աշխատանքները: Իսկ
ներկայումս աշխատանքներ են տարվում երկու նոր ձայնասկավառակների
թողարկման վրա: