ԻՐԱՔԻ ՆԱԽԿԻՆ ԱՌԱՋՆՈՐԴՆԵՐԻ ՄԱՀԱՊԱՏԻԺԸ Ի ԿԱՏԱՐ ԿԱԾՎԻ 30 ՕՐՎԱ
ԸՆԹԱՑՔՈՒՄ
04-09-2007 18:40:00 | Իրաք | Միջազգային
ԲԱՂԴԱԴ, 4 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Իրաքի գերագույն
դատարանը հաստատել է երկրի նախկին առաջնորդներից Ալի Հասան ալ
Մաջիդի, Սուլթան Հաշիմ Ահմեդի եւ Հուսեյն Ռաշիդ ալ Թիկրիտի մահվան
դատավճիռը, որն ի կատար կածվի 30 օրվա ընթացքում: Այս մասին
հայտարարել է Գերագույն դատարանի նախագահ Արիֆ Շահինը:
Հիշեցնենք, որ հունիսին Իրաքի գերագույն քրեական տրիբունալը
մահապատժի էր դատապարտել երկրի նախկին նախագահ Սադդամ Հուսեյնի
ազգականին` Ալի Հասան ալ Մաջիդին: Նա մեղավոր էր ճանաչվել
1980-ական թթ. «Ալ Անֆալ» գործողությունը գլխավորելու համար:
Դատարանը ապացուցված էր համարել այն փաստը, որ Մաջիդը 1988թ.
քիմիական զենք էր օգտագործել Իրանի սահմանի մոտ գտնվող Հալաբջա
քաղաքի բնակիչների դեմ, ինչի հետեւանքով զոհվել էր 5 հազար խաղաղ
քուրդ: Նշենք, որ հենց Հալաբջայի դեպքերից հետո նա ստացել էր
«քիմիական Ալի» մականունը:
Մահապատժի էին դատապարտվել նաեւ քրդերի ցեղասպանություն
կազմակերպելու մեջ մեղադրվող Իրաքի նախկին պաշտպանության նախարար
Սուլթան Հաշիմ Ահմեդը եւ Իրաքի ռազմական գործողությունների
հրամանատարի նախկին տեղակալ Հուսեյն Ռաշիդ ալ Թիկրիտին: