ԹՈՆԻ ԲԼԵՐՆ ԸՆՏՐՎԵԼ Է ՄԵՐՁԱՎՈՐԱՐԵՎԵԼՅԱՆ «ՔԱՌՅԱԿԻ» ՀԱՏՈՒԿ
ԴԵՍՊԱՆՈՐԴ
27-06-2007 19:45:00 | | Միջազգային
ԼՈՆԴՈՆ, 27 ՀՈՒՆԻՍԻ, ՆՈՅՅԱՆ ՏԱՊԱՆ: Թոնի Բլերը, որը հունիսի
27-ին թողնում է Մեծ Բրիտանիայի վարչապետի պաշտոնը, ընտրվել է
մերձավորարեւելյան «քառյակի» հատուկ դեսպանորդ, հաղորդում է
«Ասոշիեյթեդ պրես» գործակալությունը վկայակոչելով Իռլանդիայի
վարչապետ Բերտի Ահերնի հայտարարությունը:
Ըստ Ահերնի, այս մասին Բլերը նրան հայտնել է հեռախոսազրույցի
ժամանակ:
Ըստ Իռլանդիայի վարչապետի, Բլերը այն համոզմունքն է հայտնել,
որ մերձավորարեւելյան կարգավորման մեջ հնարավոր է առաջընթաց, եւ իր
առաջիկա առաքելությունը համեմատել Հյուսիսային Իռլանդիայի
իրադրության կարգավորման գործի հետ:
54-ամյա քաղաքական գործչի ապագա այլ զբաղմունքների
թվում նշվում է Եվրամիության նախագահի պաշտոնը (այս
պաշտոնը ծրագրվում է ներմուծել 2009 թվականին) աշխատանքի
ստանձնելու հնարավորությունը եւ գործունեությունը միջկրոնական
փոխգործակցության միջազգային բարեգործական ֆոնդի ղեկավարի
պաշտոնում: