ՀԱՅԱՍՏԱՆԻ ՖՈՒՏԲՈԼԻ ԱԶԳԱՅԻՆ ՀԱՎԱՔԱԿԱՆԻ ԳԼԽԱՎՈՐ ՄԱՐԶԻՉԸ
ՆՊԱՏԱԿ ՈՒՆԻ ՍՏԵՂԾԵԼ 2-ՐԴ ՀԱՎԱՔԱԿԱՆԸ
04-04-2007 19:14:00 | Հայաստան | Սպորտ
ԵՐԵՎԱՆ, 4 ԱՊՐԻԼԻ, ՆՈՅՅԱՆ ՏԱՊԱՆ: Լեհերից կրած պարտության
պատճառ Հայաստանի հավաքականի խաղացողների մրցափորձի պակասն է,
ինչպես նաեւ այն, որ Հայաստանում ֆուտբոլային նոր մրցաշրջանը դեռ
չի սկսվել: Այս մասին ապրիլի 4-ի ասուլիսում հայտարարեց ֆուտբոլի
Հայաստանի ազգային հավաքականի գլխավոր մարզիչ, շոտլանդացի Յան
Պորտերֆիլդը: Լեհաստանի հավաքականի դեմ մրցամարտում նա առանձնացրեց
Ռոբերտ Զեբելյանին եւ հավաքական վերադարձած դարպասապահ Ռոման
Բերեզովսկուն, որը թիմին փրկեց խոշոր հաշվով պարտությունից:
Յ.Պորտերֆիլդը հայտնեց, որ նպատակ ունի ստեղծել Հայաստանի
ազգային 2-րդ հավաքականը: Նշենք, որ մարզիչը վիրահատությունից հետո
ապաքինվում է եւ 2 շաբաթից կանցնի աշխատանքի: