ՀՌԱՀ-Ի ԿԱԶՄՈՒՄ ԱԺ-Ի ԿՈՂՄԻՑ ԱՆԴԱՄԻ ՆՇԱՆԱԿՄԱՆ ՇՈՒՐՋ
ՔՆՆԱՐԿՈՒՄՆԵՐ ԴԵՌԵՎՍ ՉԵՆ ԸՆԹԱՆՈՒՄ
23-03-2007 16:08:00 | Հայաստան | Հասարակություն
ԵՐԵՎԱՆ, 23 ՄԱՐՏԻ, ՆՈՅՅԱՆ ՏԱՊԱՆ: Հեռուստատեսության եւ
ռադիոյի ազգային հանձնաժողովի կազմում առկա թափուր տեղերի
համալրման շուրջ ՀՀ Ազգային Ժողովում նախնական քննարկումներ չեն
ընթանում: Այս մասին «ՆՈՅՅԱՆ ՏԱՊԱՆ»-ի թղթակցին հայտնեց ԱԺ նախագահ
Տիգրան Թորոսյանը: Ըստ նրա, խորհրդարանը պետք է քվեարկությամբ
որոշի իր կողմից հանձնաժողովի անդամի նշանակման հարցը: «Վստահ եմ,
որ առաջադրումները` անկախ այն բանից` հիմա կարվեն, թե հետագայում,
պիտի լինեն տարբեր խմբակցությունների հետ քաղաքական քննարկումների
արդյունքում»,- նշեց Տ.Թորոսյանը:
Հիշեցնենք, որ մարտի 21-ին ՀՀ նախագահը ստորագրել է
«Հեռուստատեսության եւ ռադիոյի մասին» եւ « Հեռուստատեսության եւ
ռադիոյի ազգային հանձնաժողովի կանոնակարգ» օրենքում փոփխություններ
եւ լրացումներ կատարելու մասին օրենքները: Սահմանադրական
փոփոխություններով եւ վերոհիշյալ օրենսդրական փաթեթով ՀՌԱՀ-ի
անդամների կեսին նշանակելու իրավունք է ստացել ԱԺ-ն: