ԵՐԵՎԱՆ, 1 ՄԱՐՏԻ, ՆՈՅՅԱՆ ՏԱՊԱՆ: Մարտի 6-ին Արմավիրի հոբելյանական մարզադաշտում կմեկնարկի Խորհրդային միության հերոս Հունան Ավետիսյանի ֆուտբոլի ավանդական հուշամրցաշարը: Մրցումներին սասնակցության հայտ են ներկայացրել «Շիրակը», «Կիլիկիան», «Ուլիսը», «Փյունիկ-2»-ը, «Բանանց-2»-ը, «Արարատ-2»-ը, «Դինամոն» եւ «Երեւան Յունայթեդ»-ը: Թիմերը կբաժանվեն 2 ենթախմբի, որոնց հաղթողները մարտի 13-ին եզրափակիչ խաղում կվիճարկեն փոխանցիկ գավաթը:

---