ԵՐԵՎԱՆ, 16 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 17-18-ին Երեւանի «Աշխատանք» մարզադահլիճում կանցկացվի Հայաստանի հունահռոմեական ոճի ըմբշամարտի երիտասարդական առաջնությունը, որին մասնացելու են հանրապետության տարբեր մարզերի եւ քաղաքների 98 մարզիկներ: Առաջնության չեն մասնակցի Գեղարքունիքի, Վայոց ձորի, Սյունիքի եւ Կոտայքի մարզերը, որոնք հայտ չեն ներկայացրել: Առաջնությունից հետո Հայաստանի երիտասարդական հավաքականը կնախապատրաստվի մարտի 9-ին Բուլղարիայում մեկնարկելիք միջազգային մրցաշարին:

---