ԳԼԵՆԴԵԼ, 2 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Կալիֆորնիայի Հայ գրողների միության (ԿՀԳՄ) առաջիկա գրական հանդիպումը կայանալու է դեկտեմբերի 3-ին, Գլենդելի Հանրային գրադարանի դահլիճում: Ինչպես տեղեկացնում են ԿՀԳՄ-ից, հայ գրողների առաջիկա նիստը նվիրված է Սուրեն Բուսալյանի «Հոդվածների ժողովածու» հատորի շնորհանդեսին եւ հեղինակի ծննդյան 80-ամյակին: Գրական զեկուցումով հանդես են գալու բանաստեղծ եւ գրականագետ Գեւորգ Քրիստինյանը, պրոֆ. Օշին Քեշիշյանը: Բանաստեղծներ Գարուշ Հարյանը եւ Կիմա Կիրակոսյանը ներկայացնելու են Սուրեն Բուսալյանի պատմական հարցազրույցը գրող, թատերագիր Վիլյամ Սարոյանի հետ:

---