Հոկեյի աշխարհի առաջնության երրորդ խմբի մրցաշարը կանցկացվի
Երեւանում
21-05-2009 18:12:00 | Հայաստան | Սպորտ
ԵՐԵՎԱՆ, 21 ՄԱՅԻՍԻ, ՆՈՅՅԱՆ ՏԱՊԱՆ: Տափօղակով հոկեյի աշխարհի
առաջնության երրորդ խմբի մրցաշարը կանցկացվի Երեւանում` 2010թ
ապրիլին: Այս մասին «ՆՈՅԱՆ ՏԱՊԱՆ»-ի թղթակցին հայտնեց հոկեյի
հանրապետական ֆեդերացիայի նախագահ Կարեն Խաչատրյանը: Այդ մասին
որոշումն ընդունվել է մայիսի 9-ին Շվեցարիայում` մարզաձեւի
միջազգային ֆեդերացիայի կոնգրեսում:
Նման մրցաշար նախկին ԽՍՀՄ հանրապետություններից միայն
Ռուսաստանում եւ Ուկրաինայում է անցկացվել: Երրորդ խմբի մրցաշարում
Հայաստանի հավաքականի մրցակիցներն են լինելու Մոնղոլիայի,
Հյուսիսային Կորեայի եւ Հարավաֆրիկյան Հանրապետության ընտրանիները:
Հաղթողը իրավունք կստանա երրորդից անցնել երկրորդ խումբ: