Հայաստանի ԿԲ-ի խորհուրդը երեք տնտեսավարողների տրամադրել է
գրավատան կազմակերպման լիցենզիաներ
05-05-2009 17:16:00 | Հայաստան | Տնտեսություն
ԵՐԵՎԱՆ, 5 ՄԱՅԻՍԻ, ՆՈՅՅԱՆ ՏԱՊԱՆ: ՀՀ Կենտրոնական բանկի
խորհուրդը մայիսի 5-ի նիստում փոփոխություններ եւ լրացումներ է
կատարել «Ներդրումային ծառայություններ մատուցող անձանց`
Կենտրոնական բանկ ներկայացվող հաշվետվությունները, դրանց
ներկայացման կարգը, ձեւը եւ ժամկետները» կանոնակարգ 4/03-ում:
Լրացում է կատարվել «Հայաստանի Հանրապետության տարածքում գործող
բանկերի, վարկային կազմակերպությունների, օտարերկրյա բանկերի
մասնաճյուղերի հաճախորդների վարկարժանության տեղեկատվական
համակարգի` վարկային ռեգիստրի, ստեղծման եւ վարկային ռեգիստրին
Հայաստանի Հանրապետության տարածքում գործող բանկերի, վարկային
կազմակերպությունների, օտարերկրյա բանկերի մասնաճյուղերի
մասնակցության» կարգում:
Ըստ ՀՀ ԿԲ Հասարակայնության հետ կապերի ծառայության, խորհրդի
որոշմամբ գրավատան կազմակերպման լիցենզիաներ են տրամադրվել
«Ֆաստ-Կրեդիտ», «ԱՐՄԻՍ» եւ «Հուսո-Լուսնյակ» ՍՊ ընկերություններին:
Արտարժույթի առուվաճառքի իրականացնելու լիցենզիաներ են տրամադրվել
«Վ.Ա.Ս. ԳՐՈւՊ» եւ «ՍՓԻՆ ԹՈՓ» ՍՊ ընկերություններին:
Ուժը կորցրած են ճանաչվել «Արթուր-80» ՍՊԸ-ի գրավատան
կազմակերպման թիվ ԳԳ-Ե123 լիցենզիան, «Թաթարյանի Արս» ՍՊԸ-ի
գրավատան կազմակերպման ԳԳ-Ե 075 լիցենզիան եւ անհատ ձեռնարկատեր
Խորեն Խաչատրյանի արտարժույթի առուվաճառքի թիվ 318 լիցենզիան`
նշված տնտեսվարողների դիմումների համաձայն: