«Կոնվերս բանկ»-ը սկսել է միջնաժամկետ պարտատոմսերի
արժեկտրոնների վճարումը
19-03-2009 15:06:00 | Հայաստան | Տնտեսություն
ԵՐԵՎԱՆ, 19 ՄԱՐՏԻ, ՆՈՅՅԱՆ ՏԱՊԱՆ: «Կոնվերս բանկ» ՓԲԸ-ն մարտի
16-ից սկսել է իր անվանական միջնաժամկետ պարտատոմսերի
արժեկտրոնների վճարումը: Մեկ պարատոմսի դիմաց վճարվող արժեկտրոնի
չափը կազմում է 787,1 դրամ (տվյալ արժեկտրոնի վճարման ենթակա
ընդհանուր գումարը` 7 871 000 դրամ): Մարտի 17-ի դրությամբ բանկն
արդեն վճարել էր մոտ 7 866 277 դրամ:
Հիշեցնենք, որ «Կոնվերս բանկը» իր անվանական, միջնաժամկետ
պարտատոմսերի թողարկման առաջին տրանշի տեղաբաշխումը սկսել էր անցած
տարվա դեկտեմբերի 16-ին:
Տեղաբաշխված պարտատոմսերի անվանական ծավալը կազմում է 300 մլն
ՀՀ դրամ, մարման ժամկետը 3 տարի է, տարեկան եկամտաբերությունը`
10,64 տոկոս: Պարտատոմսերի արժեկտրոնները վճարվում են եռամսյակային
հաճախականությամբ:
Բանկի կողմից թողարկված պարտատոմսերի ընդհանուր անվանական
ծավալը կազմում է 1,5 մլրդ ՀՀ դրամ` 50 հազ. հատ` յուրաքանչյուրը
30 հազ. ՀՀ դրամ անվանական արժեքով: Պարտատոմսերի տեղաբաշխումն
իրականացվելու է մեկից ավելի տրանշերով: