ԼՈՒՅՍ Է ՏԵՍԵԼ «ՍԱՄՑԽԵ-ՋԱՎԱԽՔ-ԹՌԵՂՔԸ ՀԱՅ-ՎՐԱՑԱԿԱՆ
ՀԱՐԱԲԵՐՈՒԹՅՈՒՆՆԵՐԻ ՀՈԼՈՎՈՒՅԹՈՒՄ» ԳԻՐՔԸ
18-12-2006 18:30:00 | Հայաստան | Հասարակություն
ԵՐԵՎԱՆ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Մեր օրերում
հայ-վրացական հարաբերությունների, մասնավորապես, Ջավախքի թեմայով
օբյեկտիվ գիտական աշխատություններ գրելը բավականին բարդ է, քանի որ
Ջավախքը հայտնվել է աշխարհաքաղաքական հզոր ուժերի բախման
կիզակետում` մի կողմից Վրաստան-Ռուսաստան, մյուս կողմից`
Ադրբեջան-Վրաստան-Թուրքիա: Այսպիսի տեսակետ հայտնեց ՀՀ
Գիտությունների ազգային ակադեմիայի Պատմության ինստիտուտի տնօրեն
Աշոտ Մելքոնյանը ԵՊՀ-ի Հայաստանին հարակից երկրների պատմության
ամբիոնի մագիստրանտ Վահե Սարգսյանի «Սամցխե-Ջավախք-Թռեղքը
հայ-վրացական հարաբերությունների հոլովույթում» գրքի դեկտեմբերի
18-ի շնորհանդեսին: Նրա խոսքերով, երիտասարդ հետազոտողը կարողացել
է ձեռք բերել բացառիկ նյութեր, միմյանց հակադրել բոլոր փաստերը եւ
ստեղծել մի այնպիսի մենագրություն, որն ընդունելի կլինի բոլոր,
անգամ հակադիր կարծիք ունեցող քաղաքական ուժերի համար:
Վ.Սարգսյանը նշեց, որ մենագրության մեջ Վրաստանի ներքաղաքական
իրադրության եւ հայ-վրացական միջպետական հարաբերությունների հենքի
վրա ներկայացված են Սամցխեի, Ջավախքի եւ Թռեղքի 20-րդ դարի վերջին
մեկուկես տասնամյակի իրադարձությունները: