ՎԱՇԻՆԳՏՈՆ, 15 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Կուբայի նախագահ Ֆիդել Կաստրոն մահամերձ է` պնդում է ԱՄՆ-ի հետախուզության պետ Ջոն Նեգրոպոնտեն: Նեգրոպոնտեն «Վաշինգտոն փոսթ» թերթին հայտարարել է, թե Կաստրոյին «ոչ թե տարիներ, այլ ամիսներ» են մնացել ապրելու: 80-ամյա Ֆիդել Կաստրոն հանրությանը չի երեւացել հուլիսի 26-ից ի վեր, երբ նրան վիրահատության են ենթարկել աղիքներում արյունահոսության կապակցությամբ: Հուլիսի 31-ից նա նախագահական լիազորությունները փոխանցել է կրտսեր եղբորը` Ռաուլ Կաստրոյին:

---