ԼՈՆԴՈՆ, 14 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Իշխանուհի Դիանայի մահը «ողբերգական պատահականություն» է եղել, եւ ոչ մի դեպքում սպանություն չէ: Այս եզրակացությունն են այսօր հրապարակել բրիտանացի փորձագետները, որոնք երեք տարի շարունակ ուսումնասիրում էին 1997 թվականին Փարիզում իշխանուհու մահվան հանգամանքները: Դիանան եւ իր ընկեր Դոդի ալ-Ֆայեդը զոհվել են ավտոմոբիլային աղետում, նրանց մեքենան հարվածել է թունելի հենասյանը: Հետաքննությունը հաստատել է, որ վարորդը, որը նույնպես զոհվել է աղետից, սթափ չի եղել եւ գերազանցել է թույլատրված արագությունը:

---