ՆՈՐ ՄՐՑԱՇՐՋԱՆՈՒՄ ԵՐԵՎԱՆՈՒՄ ՇԱՀԱԳՈՐԾՄԱՆ ԿՀԱՆՁՆՎԻ ՆՈՐ
ՍԱՀԱԴԱՇՏ
23-11-2006 16:30:00 | Հայաստան | Սպորտ
ԵՐԵՎԱՆ, 23 ՆՈՅԵՄԲԵՐԻ, ՆՈՅՅԱՆ ՏԱՊԱՆ: 2007թ-ի հունվարի
18-28-ը Լեհաստանի մայրաքաղաք Վարշավայում կանցկացվի Եվրոպայի
գեղասահքի առաջնությունը: Ինչպես «ՆՈՅՅԱՆ ՏԱՊԱՆ»-ի թղթակցին
տեղեկացրեց մարզաձեւի հանրապետական ֆեդեարցիայի նախագահ Սամվել
Խաչատրյանը, առաջնության մասնակից Հայաստանի ներկայացուցիչների
հավանական թեկնածուներն են Թուրինի ձմեռային օլիմպիադայի
մասնակիցներ Վազգեն Ազրոյան-Անաստասիա Գրեբյոնկինա պարային զույգը
եւ մենասահորդ Ալեն Գաջաջյանը: Փետրվարին Իսպանիայում կանցկացվի
ձմեռային մարզաձեւերի միջազգային փառատոն: Հայաստանի
գեղասահորդներին կուղեկցի եւ միջոցառմանը կմասնակցի միջազգային
կարգի մրցավար Մարինե Բարսեղյանը: Ըստ Ս.Խաչատրյանի, փետրվարին
շարք կմտնի նաեւ «Կարեն Դեմիրճյան» մարզամշակութային համալիրի մեծ
մրցասպարեզի սահադաշտը: Դրա շնորհիվ Երեւանում կանցկացվեն
հեղինակավոր միջազգային մրցաշարեր: