ԲԱՔՈՒ, 2 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ադրբեջանի նախագահ Իլհամ
Ալիեւը նոյեմբերի 6-ին ճանապարհվում է Բրյուսել:
Ինչպես հաղորդում է «Դեյ.ազը», այցի ընթացքում Ի.Ալիեւը
Եվրամիության եւ ՆԱՏՕ-ի ղեկավարության հետ կքննարկի այդ
եվրոատլանտյան կառույցներին Ադրբեջանի ինտեգրման զարգացման
հարցերը: Մասնավորապես, ԵՄ առնչությամբ բանակցությունների թեմա
կլինեն համագործակցության ընդլայնման հեռանկարները Նոր
հարեւանության քաղաքականության շրջանակում:
Այցի ընթացքում Ի.Ալիեւը կքննարկի նաեւ ՆԱՏՕ-ի հետ
փոխգործակցության, դաշինքի խաղաղարարական գործողություններին
Ադրբեջանի մասնակցության, Անհատական գործընկերության
գործողությունների ծրագրի (IPAP) իրականացման հարցերը:
Ադրբեջանի նախագահի այցը Բրյուսել կտեւի երկու օր: