ՆԻՆՈ ԲՈՒՐՋԱՆԱՁԵՆ ՀԱՄԱՐՈՒՄ Է, ՈՐ ՊԱՏԺԱՄԻՋՈՑՆԵՐԸ ԵՎ
ՇՐՋԱՓԱԿՈՒՄԸ ՎՐԱՍՏԱՆԻՆ ՉԵՆ ՀԱՆԳԵՑՆԻ ԱՂԵՏԱԼԻ ՀԵՏԵՎԱՆՔՆԵՐԻ
30-10-2006 14:34:00 | Վրաստան | Միջազգային
ԹԲԻԼԻՍԻ, 30 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Վրաստանի խորհրդարանի
նախագահ Նինո Բուրջանաձեն համարում է, որ պատժամիջոցները եւ
շրջափակումը, որ Ռուսաստանի կողմից հայտարարվել են երկրի դեմ,
Վրաստանին չեն հանգեցնի աղետալի հետեւանքների: Այս մասին նա
հայտարարել է Վրաստանի վարչապետ Զուրաբ Նոգաիդելիի հետ այսօր
կայացած հանդիպման ընթացքում: Հանդիպմանը մասնակցել են
մեծամասնության եւ ընդդիմության անդամները: Սկզբնապես այն բաց էր,
ավելի ուշ փակվել է լրագրողների համար: Ըստ Բուրջանաձեի,
խորհրդարանը կոնսուլտացիաներ է ունեցել գործադիր իշխանության հետ
Վրաստանի եւ Ռուսաստանի միջեւ շիկացած հարաբերությունների
առնչությամբ, որոնց արդյունքում կարելի է ասել, որ վրացական կողմը
համարժեք է ընկալում շրջափակումը Ռուսաստանի կողմից: «Լրիվ
հնարավոր է էներգաշրջափակում Ռուսաստանի կողմից, դա եւս մի թեմա է
քննարկման համար»,- նշել է Նինո Բուրջանաձեն: