ԵԽԽՎ ՆԱԽԱԳԱՀԸ ՔՆՆԱԴԱՏԵԼ Է ՀԱՅՈՑ ՑԵՂԱՍՊԱՆՈՒԹՅԱՆՆ ԱՌՆՉՎՈՂ
ՖՐԱՆՍԻԱՅԻ ԽՈՐՀՐԴԱՐԱՆԻ ՕՐԻՆԱԳԻԾԸ
27-10-2006 12:40:00 | Թուրքիա | Միջազգային
ԱՆԿԱՐԱ, 27 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Այցով Թուրքիայում
գտնվող Եվրոպայի Խորհրդի Խորհրդարանական վեհաժողովի նախագահ Ռենե
վան դեր Լինդենը քննադատել է Ֆրանսիայի խորհրդարանում ընդունված
հայոց ցեղասպանությանն առնչվող օրինագիծը: Ինչպես Անկարայից
հաղորդում է «Թրենդի» սեփական թղթակիցը, նա այդ որոշումը ճիշտ չի
համարել:
Անկարայում լրագրողների հետ հանդիպման ժամանակ Ռենե վան դեր
Լինդենը հայտարարել է, որ Ֆրանսիայի խորհրդարանի որոշումը վատ
օրինակ է խոսքի ազատության պահպանման առումով: Նա հույս է հայտնել,
որ Ֆրանսիայի Սենատը չի հետեւի խորհրդարանի օրինակին:
Նշելով, որ որոշումը լարվածություն է առաջացրել Թուրքիայի հետ
փոխհարաբերություններում, նա հայտարարել է, որ «կամուրջներ գցելու
եւ հաշտեցման պահանջարկ կա»: