ՇՈՒԿԱՅԻ ԱՌԵՎՏՐԱԿԱՆՆԵՐԸ ՓՈՐՁԵԼ ԵՆ ՓԱԿԵԼ ԻԼՀԱՄ ԱԼԻԵՎԻ
ՃԱՆԱՊԱՐՀԸ
03-10-2006 20:10:00 | Ադրբեջան | Միջազգային
ԲԱՔՈՒ, 3 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Մաքսային մարմինների
շորթումները հոկտեմբերի 2-ին պատճառ են դարձել «Բինա» շուկայի մանր
եւ միջին առեւտրականների հերթական բողոքի ցույցին Բաքվի միջազգային
օդանավակայանի մոտ: Այդ շուկայի մոտ 200 աշխատողներ փորձել են
փակել ճանապարհը, որով քաղաք պետք է գնար Ադրբեջանի ղեկավարը
ամառանոցից: Սակայն ոստիկանությունը ցրել է հավաքվածներին:
«Թուրան» գործակալության հաղորդմամբ, բողոքի պատճառը եղել է
մաքսային մարմինների հերթական կամայականությունը: Մինչեւ վերջերս
մաքսավորները Ադրբեջան հասնող յուրաքանչյուր մեկ կիլոգրամ
ներմուծված բեռի դիմաց պահանջում էին 2,5 դոլարի կաշառք: Սակայն
այդ տուրքն այսուհետ հասցվել է յուրաքանչյուր կիլոգրամի համար
մինչեւ 4 դոլարի: