ՕԳՈՍՏՈՍԻ 31-ԻՆ ՀԱՆՐԱՅԻՆ ՀԵՌՈՒՍՏԱՏԵՍՈՒԹՅԱՄԲ ԿՀԱՂՈՐԴՎԵՆ ՀՀ
ՕՐՀՆԵՐԳԻ ՄՐՑՈՒՅԹԻ ԵՐԿՐՈՐԴ ՓՈՒԼ ԱՆՑԱԾ 5 ԳՈՐԾԵՐԸ
30-08-2006 15:40:00 | Հայաստան | Մշակույթ
ԵՐԵՎԱՆ, 30 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 31-ին Հանրային
հեռուստատեսությամբ ժամը 19-ին սիմֆոնիկ նվագախմբի եւ ակադեմիական
երգչախմբի կատարմամբ` հանրային ունկնդրումների նպատակով կհնչեն ՀՀ
օրհներգի մրցույթի երկրորդ փուլ անցած 5 գործերը: Այս մասին
«ՆՈՅՅԱՆ ՏԱՊԱՆ»-ին հայտնեցին ՀՀ օրհներգի տեքստի եւ երաշտության
ընտրության մրցութային հանձնաժողովից: Նույն օրը` ժամը 20-ին,
ցանկացողները կարող են օրհներգի այդ 5 տարբերակաները ունկնդրել
նաեւ «Արամ Խաչատրյան» համերգասրահում` համերգային կատարմամբ:
Ըստ ՀՀ Մշակույթի եւ երիտասարդության հարցերի նախարարության
հասարակայնության հետ կապերի բաժնից ստացած հաղորդագրության,
օրհներգի տարբերակների վերաբերյալ գրավոր դիտարկումները կարող են
ներկայացվել ամեն օր ժամը 10-17-ը նախարարության տեղեկատվական
ընդունարան: