ԵՐԵՎԱՆ, 4 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 5-ին կսկսվի Հայաստանի ֆուտբոլի բարձրագույն խմբի առաջնության 3-րդ շրջանը: 15-րդ փուլի ծրագրով այդ օրը տեղի կունենան «Փյունիկ» - «Գանձասար» եւ «Շիրակ» - «Միկա» հանդիպումները: Հաջորդ օրը կմրցեն «Արարատ» - «Բանանց» եւ «Ուլիս» - «Կիլիկիա» զույգերը: Ներկայումս առաջնության մրցաշարային աղյուսակը 40 միավորով գլխավորում է Հայաստանի բազմակի չեմպիոն «Փյունիկը»: 2-րդ տեղում 29 միավորով ընթանում է «Միկան»: Նրանից 1 միավոր պակաս է վաստակել 3-րդ տեղը զբաղեցնող «Բանանցը»:

---