ՌԴ ԱԳՆ-Ն ՊԱՀԱՆՋԵԼ Է ԱՆՀԱՊԱՂ ԴԱԴԱՐԵՑՆԵԼ ԿՐԱԿԸ
ՄԵՐՁԱՎՈՐԱՐԵՎԵԼՅԱՆ ՀԱԿԱՄԱՐՏՈՒԹՅԱՆ ԳՈՏՈՒՄ
04-08-2006 12:20:00 | Ռուսաստան | Միջազգային
ՄՈՍԿՎԱ, 4 ՕԳՈՍՏՈՍԻ, ՆՈՅՅԱՆ ՏԱՊԱՆ: Մերձավոր Արեւելքում
շարունակվող արյունահեղ հակամարտությունը լուրջ տագնապ է հարուցում
Ռուսաստանում, ասվում է ՌԴ արտաքին գործերի նախարարության
հայտարարության մեջ: «Մենք վճռականորեն պահանջում ենք ահապաղ
դադարեցնել կրակը»,- ասվում է հայտարարության մեջ: Այդ պահանջը
պաշտպանում է միջազգային համայնքի անդամների մեծ մասը:
Արյունահեղության շարունակումը առավել եւս անընդունելի է:
Համաշխարհային հանրության մեջ կոնսենսուս է ձեւավորվում
լիբանանա-իսրայելական հակամարտության այնպիսի քաղաքական
կարգավորման մշակման առնչությամբ, որը անհնարին կդարձներ այդ
իրադարձությունների կրկնությունը:
«Ռուսաստանը ամենաեռանդուն ջաքերն է գործադրում ՄԱԿ ԱԽ-ում,
միջազգային եւ տարածաշրջանային մեր բոլոր գործընկերների հետ
շփումներում հանուն այդ նպատակին հասնելու: Հուսով ենք, որ մոտակա
օրերին Անվտանգության խորհրդում կհաջողվի, վերջապես, հասնել
համաձայնեցված որոշումների, որոնք թույլ կտան կայուն խաղաղություն
հաստատել տարածաշրջանում»,- նշվում է հայտարարության մեջ,-
հաղորդում է ՌԲԿ-ն: