ԵՐԵՎԱՆ, 21 ԱՊՐԻԼԻ, ՆՈՅՅԱՆ ՏԱՊԱՆ: ՀՀ-ում ԱՄՆ դեսպանության նախաձեռնությամբ ապրիլի 26-30-ին կանցկացվի «Ջազի օրեր» 5-րդ փառատոնը: Միջոցառման շրջանակում նախատեսվում են հայ ու ամերիկացի ջազմենների համերգներ, ֆիլմերի եւ պարային ջազ ներկայացման ցուցադրումներ, երիտասարդ նկարիչների աշխատանքների մրցույթ եւ ցուցահանդես: Ինչպես նշված է ԱՄՆ դեսպանատնից «ՆՈՅՅԱՆ ՏԱՊԱՆ»-ին տրամադրած հաղորդագրությունում, փառատոնի ընթացքում հայ նշանավոր ջազային երաժիշտների հետ միասին հանդես կգա Ջուդի Բեյդի քառյակը Նյու Յորքից:

---