ԵՐԵՎԱՆ, 23 ՀՈՒՆՎԱՐԻ, ՆՈՅՅԱՆ ՏԱՊԱՆ: Ֆրանսիայի Լիոն քաղաքում անցկացված գեղասահքի Եվրոպայի առաջնությանը մասնակցեցին նաեւ Հայաստանի ներկայացուցիչները: Անաստասիա Գրեբյոնկինա-Վազգեն Ազրոյան պարային զույգը ուժեղագույն երկյակների մրցապայքարում գրավեց 14-րդ տեղը: Հիշեցնենք, որ Գրեբյոնկինան եւ Ազրոյանը մասնակցելով մի շարք ընտրական մրցաշարերի` իրավունք են նվաճել հանդես գալու փետրվարին Թուրինում կայանալիք 20-րդ ձմեռային օլիմպիական խաղերին: Լիոնում հաջող հանդես եկան Ռուսաստանի գեղասահորդները, որոնք չեմպիոնական կոչումներ նվաճեցին բոլոր 4 մրցաձեւերում:

---