ՖՈՒՏԲՈԼԻ ՀԱՅԱՍՏԱՆԻ 14-ՐԴ ԱՌԱՋՆՈՒԹՅՈՒՆԸ ՀԱՏԵՑ ԵԶՐԱԳԻԾԸ
07-11-2005 19:34:00 | Հայաստան | Սպորտ
ԵՐԵՎԱՆ, 7 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 6-ին կայացած
հանդիպումներով ավարտվեց ֆուտբոլի Հայաստանի հերթական` 14-րդ,
առաջնությունը:
Ժամկետից շուտ չեմպիոնի կոչումն ապահոված «Փյունիկը» վերջին
խաղում էլ վստահ հանդես եկավ` 4-1 հաշվով հաղթելով «Կիլիկիային»:
Նույնպիսի հաշիվ գրանցվեց նաեւ «Բանանց» - «Դինամո-Զենիթ» խաղում.
«Բանանցը» այդպիսով գրավեց մրցանակային 3-րդ տեղը: Մրցանակային
տեղի 2 հավակնորդների` «Միկայի» եւ «Էսթեղլալ-Կոտայք»-ի
մրցապայքարն ավարտվեց 2-0 հաշվով, եւ «Միկան» դարձավ 2-րդ
մրցանակակիր:
Հայաստանի առաջնության բարձրագույն խմբի մրցումների եզրափակիչ
փուլի մասնակից 6 թիմերն աղյուսակում վերջնական տեղեր գրավեցին
այսպիսի հերթականությամբ. 1. «Փյունիկ» (Երեւան)` 39 միավոր, 2.
«Միկա» (Աշտարակ)` 35, 3. «Բանանց» (Երեւան)` 33, 4.
«Էսթեղլալ-Կոտայք» (Երեւան)` 31, 5. «Կիլիկիա» (Երեւան)` 17, 6.
«Դինամո-Զենիթ» (Երեւան)` 8 միավոր: