ԵՐԵՎԱՆ, 21 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 22-ին «Արարատ» ակումբում տեղի կունենա ՀՀ արտգործնախարարության եւ թենիսի «Արարատ» ակումբի կողմից Հայաստանի անկախության 14-ամյակի, ՄԱԿ-ի կազմավորման 60-ամյակի եւ «Արարատ» ակումբի հիմնադրման 15-ամյակի առթիվ կազմակերպված դիվանագետների թենիսի ավանդական 13-րդ մրցաշարը: Ինչպես «ՆՈՅՅԱՆ ՏԱՊԱՆ»-ին հայտնում են ՀՀ ԱԳՆ մամուլի եւ տեղեկատվության վարչությունից, մրցաշարի մասնակիցներն են ՀՀ ԱԳՆ-ի, Հայաստանում հավատարմագրված դեսպանությունների եւ միջազգային կազմակերպությունների ներկայացուցչությունների աշխատակիցները:

---