ՀԱՅԱՍՏԱՆԻ ՇԱԽՄԱՏԻ ԱԿՈՒՄԲԱՅԻՆ ԱՌԱՋՆՈՒԹՅԱՆ ՀԱՂԹՈՂԸ ԿՈՐՈՇՎԻ
ՎԵՐՋԻՆ ՏՈՒՐՈՒՄ
24-11-2005 19:19:00 | Հայաստան | Սպորտ
ԵՐԵՎԱՆ, 24 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանի շախմատի
ակումբային առաջնությունում 4 տուր է խաղացվել: 6 թիմերի
մրցապայքարում 3 թիմեր են գլխավորում մրցաշարային աղյուսակը.
«Միկա-Երեւանը», Շախմատի ակադեմիան եւ Շախմատի դպրոցը տարել են
3-ական հաղթանակ, կրել 1-ական պարտություն եւ վաստակել 6-ական
միավոր (թիմային հաղթանակի համար տրվում է 2, ոչ-ոքիի համար` 1,
իսկ պարտության համար 0 միավոր): Հաջորդ տեղերում են Երեւանի
պետական համալսարանի, Հրազդանի «Վառվող աստղ» եւ Գյումրիի
«Շախմատային աստղեր» թիմերը, որոնք ունեն 2-ական միավոր:
Հայաստանի չեմպիոնը կորոշվի նոյեմբերի 25-ին կայանալիք
վերջին` 5-րդ տուրում, որտեղ կմրցեն «Միկա-Երեւան» - «Վառվող
աստղ», Շախմատի ակադեմիա - «Շախմատային աստղեր» եւ Շախմատի դպրոց -
Երեւանի պետական համալսարան զույգերը: