ԼՈՆԴՈՆ, 9 ՀՈՒՆՎԱՐԻ, ՆՈՅՅԱՆ ՏԱՊԱՆ: Ռուսաստանը եւ Չինաստանը հիմնել են բռնապետությունների լիգա եւ իրենք էլ գլխավորում են այդ լիգան: Ինչպես գրում է «Ֆայնենշլ թայմս» թերթը, այս կարծիքը հայտնել է արտաքին քաղաքականության գծով ամերիկացի մասնագետ Ռոբերտ Կագանը: Ըստ փորձագետի, «սառը պատերազմի» ավարտից հետո շատ տարիներ անց դժվար է Ռուսաստանի եւ Չինաստանի վարչակարգերը համարել ժողովրդավարական, քանի որ իրենց էությամբ դրանք ամբողջովին ավտորիտար են: Ընդ որում երկու պետություններն էլ խանգարում են որոշ ասիական երկրների ժողովրդավարական զարգացմանը, որոնք այժմ մտնում են Շանհայի համագործակցության կազմակերպության կազմի մեջ: Հաշվի առնելով երկրի ներքին կյանքը եւ ժողովրդավարության բացակայությունը երկրի առաջնորդներին ընտրելիս, Արեւմուտքին պետք չէ հուսալ, որ կթուլանա Մոսկվայի եւ Պեկինի հետ առճակատումը:

---