ՔԱԲՈՒԼ, 25 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Աֆղանստանում ձերբակալվել են երկու «եվրոպացի բարձրաստիճան պաշտոնատար անձինք»: Նրանք մեղադրվում են «ազգային անվտանգության համար սպառնալիք ներկայացնելու մեջ»: Այս մասին դեկտեմբերի 25-ին հայտարարել է աֆղանական կառավարությունը: Ըստ կառավարական անանուն աղբյուրի, «ձերբակալվածները արտասահմանցի բարձրաստիճան ֆունկցիոներներ են Մեծ Բրիտանիայից, որոնք կալանքի տակ են վերցվել հինգ օր առաջ»: «Իրենց աֆղանցի գործընկերների հետ նրանք զբաղվել են իրենց պաշտոնեական պարտականությունների հետ անհամատեղելի գործունեությամբ,- նշել է աղբյուրը` ավելացնելով, որ «ձերբակալվածները կարտաքսվեն երկրից, իսկ նրանց աֆղանցի մեղսակիցները կկանգնեն դատարանի առջեւ»:

---