ԿԱՊԱՆ, 22 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 8-18-ը Թեհրանում անցկացվեցին 37-րդ Համահայկական խաղերը, որին մասնակցեցին նաեւ Կապանի ատլետիկայի մասնագիտացված մակապատանեկան մարզադպրոցի սաները: Ինչպես «ՆՈՅՅԱՆ ՏԱՊԱՆ»-ի թղթակցին հայտնեց մարզադպրոցի տնօրեն Ս.Ղազարյանը, պատանի թեթեւատլետ Էրիկ Նուրիջանյանը հեռացատկում եւ եռացատկում նվաճեց Համահայկական խաղերի չեմպիոնի կոչումը: Մարզադպրոցի մեկ այլ սան Մխիթար Դավթյանը նույն մարզաձեւերում գրավեց երկրորդ տեղը: Այսպիսով, Կապանի ատլետները նվաճեցին համահայկական խաղերի երկու ոսկե եւ երկու արծաթե մեդալներ:

---