ՀԱՅԱՍՏԱՆԻ ՄԱՐԶԻԿՆԵՐԸ ՁԵՌՆՈՒՆԱՅՆ ԵՆ ՎԵՐԱԴԱՌՆՈՒՄ ՕԼԻՄՊԻԱԿԱՆ
ԽԱՂԵՐԻՑ
30-08-2004 19:30:00 | Հայաստան | Սպորտ
ԵՐԵՎԱՆ, 30 ՕԳՈՍՏՈՍԻ, ՆՈՅՅԱՆ ՏԱՊԱՆ: Աթենքի 28-րդ ամառային
օլիմպիական խաղերից, որոնց 202 երկրների շուրջ 10 հազար 500
մարզիկներ մասնակցեցին, դատարկաձեռն են վերադառնում Հայաստանի
ներկայացուցիչները: Օլիմպիադայում հանդես եկած 18 մարզիկներից եւ
ոչ մեկը չկարողացավ որեւէ մեդալ նվաճել: Վերջին հույսերը կապված
էին ազատ ոճի ըմբիշների, հատկապես` աշխարհի եռակի չեմպիոն Արա
Գեւորգյանի (74 կգ քաշային կարգ) եւ Եվրոպայի չեմպիոն Մարտին
Բերբերյանի հետ: Բայց ո'չ նրանք, ո'չ էլ Ժիրայր Հովհաննիսյանը (66
կգ) եւ Մամեդ Աղաեւը (84 կգ) չկարողացան հաջողության հասնել: Բոլոր
4 ըմբիշներն էլ չկարողացան հաղթահարել խմբային փուլի արգելքը: