ԵՐԵՎԱՆ, 18 ՕԳՈՍՏՈՍԻ, ՆՈՅՅԱՆ ՏԱՊԱՆ: ՀՀ արտգործնախարար Վարդան Օսկանյանը օգոստոսի 18-ին ընդունել է Հայ մարմնակրթական ընդհանուր միության (ՀՄԸՄ) կենտրոնական վարչության անդամներին, որոնք Հայաստանում են գտնվում կազմակերպության տարեկան ժողովի կապակցությամբ: Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ ԱԳՆ Մամուլի եւ տեղեկատվության վարչությունից, հանդիպման ընթացքում քննարկվել են մարզական բնագավառում համագործակցության եւ մասնավորապես համահայկական խաղերի կազմակերպման, Հայաստանում ՀՄԸՄ-ի գործունեության ծավալման եւ Հայրենիքի հետ կապերի ամրապնդման, Սփյուռքի երիտասարդության հայապահպանության խնդիրների լուծման եւ համագործակցության այլ հարցեր:

---