ՖՈՒՏԶԱԼԻ ԱՌԱՋՆՈՒԹՅՈՒՆՈՒՄ ԱՌԱՋԱՏԱՐՆԵՐ ԵՆ ԵՐԵՎԱՆՅԱՆ ԹԻՄԵՐԸ
27-05-2004 15:56:00 | Հայաստան | Սպորտ
ԵՐԵՎԱՆ, 27 ՄԱՅԻՍԻ, ՆՈՅՅԱՆ ՏԱՊԱՆ: Ավարտվեց ֆուտզալի
Հայաստանի առաջնության առաջին շրջանը:
10 թիմերի մրցապայքարը գլխավորում են Երեւանի «Թալ Գրիգը» եւ
«Պոլիտեխնիկը», որոնք 9 հանդիպումներում 24-ական միավոր են
վաստակել (8-ական հաղթանակ եւ 1-ական պարտություն): 3-րդ տեղում
ընթանում է եւս մեկ երեւանյան թիմ` «Փյունիկը», որը առաջատարներից
ետ է մնում ընդամենը 2 միավորով: Այս 3 թիմերի, ինչպես նաեւ 19
միավոր վաստակած Վանաձորի «Ցալկուտ» թիմերի միջեւ էլ կընթանա
պայքարը չեմպիոնի կոչման ու մրցանակային տեղերի համար, քանի որ
առաջնության մյուս մասնակիցները զգալիորեն ետ են մնում նրանցից:
Առաջնության 2-րդ շրջանը կսկսվի մայիսի 29-ին: