Իշխանութեան եւ ՀԱԿ-ի միջեւ ուղղակի երկխօսութեան ձեւաչափում միջնորդի կարիք չկայ
25-04-2011 18:31:33 | Հայաստան | Քաղաքական
Հայ Ազգային Կոնգրէսը ապրիլի 25-ին հանդէս է եկել յայտարարութեամբ, որում ասուած է.
«Հայ Ազգային Կոնգրէսի եւ խորհրդարանական իշխող կոալիցիայի միջեւ միջնորդ դառնալու ՀՀ Մարդու իրաւունքների պաշտպանի առաջարկի կապակցութեամբ յայտարարում ենք.
1. Մարդու իրաւունքների պաշտպանը սխալ է հասկացել երկխօսութեան իմաստը, քանի որ խօսքը վերաբերում է ոչ թէ Կոնգրէսի եւ խորհրդարանական կոալիցիայի, այլ Կոնգրէսի եւ գործադիր իշխանութեան միջեւ կայանալիք երկխօսութեանը:
2. Իշխանութեան եւ Կոնգրէսի միջեւ ուղղակի երկխօսութեան ձեւաչափում ոչ ներքին, ոչ արտաքին միջնորդի կարիք չկայ:
3. Իսկ եթէ իշխանութիւնը նպատակայարմար համարի բանակցութիւնների ընթացքում իր պատուիրակութեան կազմում ընդգրկել Մարդու իրաւունքների պաշտպանին, մենք խնդիր չունենք»: