ՍԵՈՒԼ, 21 ՅՈՒԼԻՍԻ, ՆՈՅԵԱՆ ՏԱՊԱՆ: Այսօր հարաւկորեական
թերթերի եւ հեռուստատեսային ցանցերի աշխատակիցները բողոքի
100-ժամանոց գործադուլ են սկսել իշխանութիւնների մշակած
զանգվածային լրատվամիջոցների բարեփոխումների կապակցութեամբ:
Արհմիութիւնները պնդում են, որ փոփոխութիւնները կարող են
հանգեցնել ճիւղի էական մոնոպոլացման:
Հարաւային Կորեայի նախագահ Լի Մեն Բակը փորձում է ազգային
խորհրդարանի ներկայիս նստաշրջանի ընթացքում օրէնք ընդունել
ԶԼՄ-ների ոլորտի բարեփոխումների մասին: Այդ փաստաթուղթը վերացնում
է այն դրույթը, որն այժմ արգելում է լրագրական կորպորացիաներին
ունենալ հեռուստատեսային ալիքներ:
Դրա դէմ են խստօրէն հանդէս գալիս արհմիութիւնները,
հեռարձակող ընկերութիւնները եւ մի շարք հասարակական
կազմակերպութիւններ: Նրանք պնդում են, որ նոր օրէնքը կհանգեցնի
տպագիր եւ էլեկտրոնային զանգվածային լրատվամիջոցների սեփականատեր
վիթխարի մոնոպոլիստական խմբերի ստեղծման: