Լեհաստանը պատրաստ է իր տարածքում տեղակայել ՀՀՊ համակարգ
25-02-2009 16:20:00 | | Միջազգային
ՎԱՐՇԱՒԱ, 25 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Լեհաստանը պատրաստ է իր
տարածքում տեղակայել ՀՀՊ համակարգ, սակայն դրա վերաբերեալ
համաձայնագրի կատարումը կախուած է ԱՄՆ-ից: Այս մասին «Վրեմիա
նովոստեյ» թերթին տուած հարցազրոյցում յայտարարել է Լեհաստանի
պաշտպանութեան փոխնախարար Ստանիսլավ Կոմորովսկին:
«Ռուսաստանը դէմ է ՀՀՊ-ին, սակայն ՀՀՊ-ն Ռուսաստանի դէմ չէ:
Մենք ԱՄՆ-ի հետ ստորագրել ենք համաձայնագիր, եւ մենք պատրաստ ենք
ամերիկեան կալանիչ հրթիռների տեղաբաշխմանը: Սակայն համաձայնագրի
կատարումը կախուած է ԱՄՆ-ից: Ամերիկացիները պէտք է որոշեն, թէ երբ
դա նրանք կանեն»,- յայտարարել է Կոմորովսկին: